ප්‍රාදේශීය ලේකම් කාර්යාලය - කොලොන්න

කොලොන්න ප්‍රාදේශීය ලේකම් කාර්යාල සමාජ සේවා අංශයේ නිලධාරීන්ගේ සංවිධානයෙන් සහ පළාත් සමාජ සුබසාධන දෙපාර්තමේන්තුවේ ප්‍රතිපාදන හා ග්‍රාමීය කමිටු වල සාමාජිකයින් ගේ දායකත්වයෙන් වැඩිහිටි සහ විශේෂ අවශ්‍යතා සහිත වුවන්ගේ බක් මහ උලෙල 2024.04.24 වන දින කොලොන්න ප්‍රාදේශීය ලේකම් කාර්යාල පරිශ්‍රයේ දී සාර්ථක ලෙස පවත්වන ලදී.
මෙහිදී බැලුම් පිපිරවීම, වාසනා මුට්ටිය බිදීම, පොල් අතු විවීම, අලියට ඇස තැබීම, තොප්පි මාරු කිර්‍ර්ම, සංගීත පුටු තරගය ආදී ජන ක්‍රීඩා රැසක් පැවැත්වූ අතර මේ සඳහා දායකත්වය දැක්වූ, සහයෝගය හා සහභාගිත්වය ලබා දුන් සියලුම දෙනා වෙත කොලොන්න ප්‍රාදේශීය ලේකම් කාර්යාලයීය සංවිධායක මණ්ඩලයේ ප්‍රණාමය...

 කොලොන්න ප්‍රාදේශීය ලේකම් කොට්ඨාසයේ අභිනව ප්‍රාදේශීය ලේකම්වරිය ලෙස තුෂාරි ප්‍රියංකා වීරසිංහ මහත්මිය අද දින (2024-02-20) වැඩ අරඹන ලදී.

 සිංහාවලෝකනය.......

GOPL Kolonna 2024

සුහද ක්‍රිකට් තරගාවලිය 2024.03.23 දින කොලොන්න මහජන ක්‍රීඩාංගණයේදී අතිසාර්ථකව පැවැත්වීමට ප්‍රාදේශීය ලේකම් කාර්‍යාලයීය සුබසාධක සංගමයේ ක්‍රීඩා අනුකමිටුවට හැකි විය. කොලොන්න කොට්ඨාස අධ්‍යාපන කාර්‍යාලයේ ඒකාබද්ධ කණ්ඩායම පිරිමි ශූරතාවය දිනාගත් අතර විදුලිබල මණ්ඩල A කණ්ඩායම අනුශූරයන් බවට පත්විය. කාන්තා ශූරතාවය ප්‍රාදේශීය ලේකම් කාර්‍යාලයීය කණ්ඩායමත් අනුශූරතාවය කොට්ඨාස අධ්‍යාපන කාර්‍යාලයීය ඒකාබද්ධ කණ්ඩායමත් දිනාගන්නා ලදි.

කොට්ඨාසයේ සියලු ආයතන අතර සුහදතාව වර්ධනය කර ගැනීම අරමුණු කරගනිමින් සංවිධානය කරන ලද මෙම තරගාවලියට කොලොන්න මූලික රෝහල, සෞඛ්‍ය වෛද්‍ය නිලධාරී කාර්‍යාලය, කොලොන්න පොලීසිය, ප්‍රාදේශීය සභාව, කොට්ඨාස අධ්‍යාපන කාර්‍යාලය, විදුලිබල මණ්ඩලය හා ප්‍රාදේශීය ලේකම් කාර්‍යාලය කණ්ඩායම් ඉදිරිපත් කළ අතර රාජ්‍ය බැංකු ඒකබද්ධ කණ්ඩයමක් ද ඉදිරිපත් විය.

GOPL කුසලාන ක්‍රිකට් තරගාවලිය වාර්ශිකව පැවැත්වීමට අපේක්ෂා කරන අතර රාජ්‍ය නිලධාරීන්ගේ ශාරීරික හා මානසික සෞඛ්‍යය වැඩිදියුණු කිරීම සඳහා කොලොන්න රාජ්‍ය සේවා ක්‍රීඩා සංගමය ස්ථාපිත කිරීම මගින් තවත් බොහෝ දෑ කිරීමට අදහස් කරයි.
මේ සඳහා දායකත්වය දැක්වූ, සහයෝගය හා සහභාගිත්වය ලබා දුන් සියලුම දෙනා වෙත කොලොන්න ප්‍රාදේශීය ලේකම් කාර්‍යාලයීය සුබසාධක සංගමයේ ක්‍රීඩා අනුකමිටුවේ ප්‍රණාමය.....